Otaq 6

Gənc müəllimə Emi indicə evlilik təklifi aldığı nişanlısı ilə birlikdə ağır avtomobil qəzasına düşür. Yaralanan sevgilisini axtaran qadın Müqəddəs Rozmari xəstəxanasına üz tutur. Lakin çox keçmədən məlum olur ki, həmin tibb mərkəzi illər əvvəl naməlum səbəblərdən baş verən yanğında tamamilə məhv olub.

Artıq mövcud olmayan bu məkanı tapmağa çalışan Emiyə həm yuxuda, həm də ayıq ikən dəhşətli görüntülər rahatlıq vermir. Çarəsiz vəziyyətdə qalan qadın yad bir adamın köməyini qəbul etmək qərarına gəlir. Lakin bu kənar dəstək onun üçün daha pis fəsadlarla nəticələnir.

ABŞ istehsalı olan «Room 6» filmi 2005-ci ildə rejissor Maykl Herst tərəfindən çəkilib. Dəhşət və detektiv janrlarını birləşdirən ekran əsərində Cimmi Şubert, Steysi Fyuson, Lea Cekson və Ryan Salaiz rol alıb.