Bedeviled

Sağlam və həyatsevər gənc Nikki qəfil ürək tutmasından vəfat edir, bu gözlənilməz itki onun beş dostunu dərindən sarsıdır. Hüzünlü günün səhəri gənclərin hər biri dünyasını dəyişmiş rəfiqələrinin telefon nömrəsindən qəribə bir tətbiqi yükləmək üçün dəvət alır.

İlk baxışdan bu proqram adi suallara cavab verən və gündəlik işlərdə kömək edən faydalı bir köməkçiyə bənzəyir. Lakin çox keçmədən mobil köməkçinin arxasında şər qüvvənin gizləndiyi üzə çıxır. Həmin varlıq proqramı quraşdıran hər kəsi dəhşətə salaraq qorxudan məhv etməyə çalışır.

ABŞ istehsalı olan «Bedeviled» filmi qorxu, triller və detektiv janrlarını bir araya gətirir. 2016-cı ildə ekranlara çıxan lentin rejissorları Abel Van və Börli Vandır. Əsas rolları Robert Brüer, Maykl Şen, Brendon Su Hu və Viktori Van Teyl canlandırıb.