Sakit olanlar

Mübahisəli metodlara üstünlük verən universitet professoru və onun seçilmiş tələbələri gənc bir pasiyent üzərində silsilə sınaqlar aparmağa başlayırlar. Tədqiqatçıların tətbiq etdiyi ağır psixoloji testlər qadını tədricən dəlilik həddinə çatdırır.

Bir müddət sonra elmi təcrübə idarəolunmaz şəkil alır və ətrafda qarşısıalınmaz fəsadlar törədən qorxulu mistik hadisələr baş qaldırır. Qrup iştirakçıları gözlədiklərindən qat-qat dəhşətli qaranlıq qüvvələri oyatdıqlarını və bu qüvvələr qarşısında tamamilə aciz qaldıqlarını anlayırlar.

Britaniya istehsalı olan «The Quiet Ones» qorxu və detektiv filmi 2014-cü ildə rejissor Con Poq tərəfindən çəkilib. Ekran əsərində rolları Cared Harris, Erin Riçards, Karli Bremuell və Ben Holden paylaşıblar.