Antimateriya

Oksford Universitetində batareyaların tədqiqi ilə məşğul olan Ana adlı aspirant yeni materialın qəribə xüsusiyyətini aşkar edir. Məlum olur ki, bu maddə fəzada qurd dəlikləri açmaq gücünə malikdir. Qız digər tələbə yoldaşlarını da prosesə cəlb edərək müxtəlif əşyaların və pişiyin teleportasiyası üzrə sınaqlara başlayır.

İş insan bədəninin fəzada ötürülməsinə gəldikdə Ana könüllü şəkildə cihazın içərisinə daxil olur. Təcrübə ilk baxışdan uğurla başa çatsa da, qısa müddət sonra o, son günlər ərzində baş verən hadisələri xatırlaya bilmədiyini fərq edir.

Böyük Britaniya istehsalı olan «Anti Matter» elmi-fantastik filmi 2016-cı ildə rejissor Keyr Berrouz tərəfindən çəkilib. Baş rolları Cozef Tiq, Yaiza Fiqeroa, İolanda Vaskes və Harri Heyz canlandırıblar.