Debora Loqanın iblisləri

Sənədli film çəkən gənclər qrupu təcrid olunmuş bir malikanəyə yollanır. Onların məqsədi Altsheymer xəstəliyinin ilkin mərhələsindən əziyyət çəkən qoca Debora Loqanın gündəlik həyatını lentə almaqdır. Həm çəkiliş heyəti, həm də qadının qızı xəstəliyin gətirəcəyi qəribəliklərə əvvəlcədən hazırlaşırlar.

Lakin bir müddət sonra qocanın vəziyyəti gözlənilmədən daha da pisləşməyə başlayır. Deboranın atdığı qorxulu və anlaşılmaz addımlar artıq adi xəstəlik əlamətlərinin çərçivəsindən kənara çıxır və ətrafdakıları dəhşətə gətirir.

ABŞ istehsalı olan «The Taking of Deborah Logan» qorxu filmi 2014-cü ildə rejissor Adam Robitel tərəfindən çəkilib. Ekran işində əsas rolları Enn Remsi, Cim Seçka, Bo Keyster və Devid Heyns canlandırıb.