Pyewacket

Atasının vəfatından sonra yeniyetmə Lia ilə anası arasında soyuqluq yaranır. Kədərini unutmağa çalışan qız yoldaşları ilə birlikdə okkultizmə maraq salır. Anası münasibətləri düzəltmək məqsədilə hər şeyi arxada qoyub meşənin içində yerləşən təcrid olunmuş bir evə köçməyə qərar verir.

Şəraitin dəyişməsi ailədaxili gərginliyi azaltmır. Baş verən növbəti davadan sonra hirslənən Lia meşəyə gedərək anasının həyatına son qoyması üçün qaranlıq bir varlığı çağıran ayin icra edir. Ertəsi gün peşmanlıq hissi yaransa da, çağırılan qüvvə artıq onların evinə yol tapmış olur.

2017-ci ildə çəkilmiş Kanadanın «Pyewacket» triller filminin rejissoru Adam Makdonald tərəfindən lentə alınıb. Baş rolları Kloi Rouz, Nil Uaytli, Erik Osborn və Byanka Melkior canlandırıb.