Hopvell qarğışı

Avtomobil qəzasından sonra Dana adlı qadın Hopvell xəstəxanasına yerləşdirilir. Təxminən otuz il əvvəl bu tibb müəssisəsində müəmmalı şəraitdə beş uşaq həyatını itirmişdi. Palatada tək qalmalı olan qadın tezliklə otaqda başqa bir varlığın olduğunu hiss etməyə başlayır.

Dana illərdir xəstəxananın divarları arasında gizlənən qorxunc sirlərlə üzləşmək məcburiyyətində qalır. Baş verənlər onun təsəvvür etdiyindən daha dəhşətli olur. Hadisələrin reallıq və ya onun zədələnmiş təxəyyülünün məhsulu olması sual doğurur.

İrlandiya istehsalı olan «Hopvell qarğışı» (Nails) qorxu və detektiv filmi 2017-ci ildə nümayiş olunub. Ekran əsərinin rejissoru Dennis Bartokdur, əsas rolları isə Ross Noubl, Robert O'Mehoni, Şarlotta Bredli və rejissorun özü canlandırıb.