Toolbox Murders

Köhnə Hollivudda yerləşən «Lasmen» binası vaxtilə varlı və məşhur simaları qəbul etdiyi qırxıncı illərin parlaq dövrünü çoxdan geridə qoyub. Hazırda bu tikili fasadı çökmüş, xalçaları kif bağlamış xarabalığa bənzəyir və burada məskunlaşan hər kəs oranı birdəfəlik tərk etmək istəyir.

Lakin binanın dərinliklərində gizlənən dəhşətli sirr sakinlərin getməsinə imkan vermir. Divarlardakı qəribə simvollar sadəcə bəzək deyil, qara magiyanın qorxunc işarələridir. Qaranlıq guşələrdə gizlənən naməlum qüvvə öz varlığını qorumaq üçün can almağa davam edir.

ABŞ istehsalı olan «Toolbox Murders» qorxu və detektiv filmi 2003-cü ildə rejissor Toub Huper tərəfindən lentə alınıb. Baş rolları Ancela Bettis, Brent Roam, Adam Giraş və Stefani Silverman canlandırıblar.