Məxfi eksperiment

Gənc jurnalist Enn universitet illərindən tanıdığı yaxın dostunun qəfil yoxa çıxması ilə bağlı axtarışa başlayır. Dostunun evinə baxış keçirərkən o, kameraya çəkilmiş video yazı tapır. Həmin lentdə oğlan insan şüurunu dəyişmək məqsədilə ölmüş insanların beynindən hazırlanmış gizli hökumət zərdabı barədə apardığı təhqiqatdan danışır.

Məlum olur ki, itkin düşən gənc arxiv sənədlərini və kimyəvi formulu əldə etdikdən sonra zərdabı öz üzərində sınayıb və dərhal yoxa çıxıb. Dostunun aqibətini öyrənmək istəyən Enn bu qapalı layihənin iştirakçılarını tapmağa çalışır. Araşdırmanın gedişində qız dövlət sınaqları haqqında gözlənilməz və qorxunc həqiqətlərlə üzləşir.

«Məxfi eksperiment» (Banshee Chapter) filmi rejissor Bler Erikson tərəfindən çəkilib. ABŞ və Almaniya istehsalı olan bu ekran əsərində baş rolları Katya Vinter, Con Loulor, Sid Şulte və Toun Forrest canlandırıb.