Gallows Hill

Keçmiş həyat yoldaşının vəfatından sonra kişi əvvəlki nikahından olan qızı ilə münasibətlərini bərpa etmək qərarına gəlir. O, yeni nişanlısı ilə birlikdə qızını görmək üçün yola çıxır. Lakin qəzaya uğrayan cütlük sivilizasiyadan xeyli uzaqda yerləşən kimsəsiz bir mehmanxanaya pənah aparmaq məcburiyyətində qalır.

Qaldıqları binanın zirzəmisində qəribə bir vəziyyətlə qarşılaşırlar: mehmanxana sahibi orada gənc bir qızı bağlı qapı arxasında saxlayır. Baş qəhrəmanlar əsiri oradan xilas edirlər, lakin bu qərar onların başını böyük bəlaya salır.

«Gallows Hill» qorxu, triller və detektiv janrlarını birləşdirən ABŞ filmidir. Ekran əsəri 2013-cü ildə rejissor Viktor Qarsiya tərəfindən lentə alınıb. Baş rolları Nataliya Ramos, Sebastyan Martines, Karolina Querra və Sofiya Mayls canlandırıblar.