Gecə yoxa çıxanlar

Ket sevgilisi ilə birlikdə sekvoya ağaclarının əhatəsində yerləşən gözdən uzaq bir kottecdə istirahət etməyi planlaşdırır. Lakin məkana çatdıqda evin başqa bir cütlük tərəfindən də bron edildiyi məlum olur. Hər iki cütlük vaxt itirməmək üçün gecəni birlikdə keçirmək barədə razılığa gəlir. Səhəri gün oyanan Ket sevgilisinin və digər qadının qəfil yoxa çıxdığını görür.

Baş verənləri xəyanət kimi qiymətləndirən Ket dərhal həqiqətin arxasınca düşür və ipucları axtarmağa başlayır. Hadisənin izinə düşdükcə vəziyyət getdikcə daha qəribə və qorxulu şəkil alır. Hər yeni addım bu sirli itkin düşmənin arxasında gözlənilməz məqamların dayandığını göstərir.

2021-ci il istehsalı olan ABŞ istehsalı «Gone in the Night» filminin rejissoru Eli Horovitsdir. Detektiv triller janrındakı bu ekran işində əsas rolları Alen Yui, Brienn Tcu, Kunal Prasad və Ouen Tiq canlandırıb.