Məxfi sənədlər: Səmanın fövqündə

Krisin yeddi yaşı tamam olanda anası atası ilə mübahisə edərək evi tərk edir və bir daha geri qayıtmır. Alkoqola qurşanmış atası qadının yadplanetlilər tərəfindən qaçırıldığını iddia edir. Yaşa dolan Kris isə həyatını bu cür iddiaların yalan olduğunu sübut etməyə və qondarma qaçırılmaları ifşa etməyə həsr edir.

O, operatoru ilə birgə oxşar hadisələrlə üzləşdiyini deyən insanlardan müsahibə almaq üçün xüsusi tədbirə yollanır. Sənədli film müəllifləri burada Elis adlı qadınla tanış olurlar. Elis iddia edir ki, yeddi yaşından bəri hər yeddi ildən bir yadplanetlilər tərəfindən aparılır və cəmi iki gündən sonra onun iyirmi səkkiz yaşı tamam olacaq.

«Beyond the Sky» adlı elmi-fantastik triller filmi rejissor Fulvio Sestito tərəfindən lentə alınıb. ABŞ istehsalı olan bu ekran işi 2018-ci ildə işıq üzü görüb. Əsas rolları Karlos Amezkua, Codi Bentli, Trevis Uolton və Martin Sensmeyer canlandırır.