Ağ şəhərin sükutu

Qədim kilsələrin birində gənc oğlan və qızın çılpaq cəsədləri aşkar edilir. Hadisə yerindəki izlər bu qətlin müəyyən bir ayin xarakteri daşıdığını göstərir. İstintaqa başlayan gənc müstəntiq Unay Lopes de Ayala qarşılaşdığı mənzərənin keçmişdəki qaranlıq hadisələrlə əlaqəli olduğunu anlayır.

Şəhəri iyirmi il boyunca qorxu içində saxlayan müəmmalı qatil yenidən peyda olub. Kilsədəki qətl isə ard-arda törədilən oxşar cinayətlərin yalnız başlanğıcıdır. Dedektiv köhnə cinayətlərin izinə düşərək bu amansız qatili ifşa etməyə çalışır.

2019-cu il istehsalı olan «El silencio de la ciudad blanca» filmi triller və dram elementlərini özündə birləşdirir. İspaniya istehsalı olan ekran işinin rejissoru Daniel Kalparsurodur. Baş rollarda Ramon Aqirre, Xoseba Apaolasa, Arança Aranquren və Çema Blasko çıxış edir.