Body Cam

Polisin əli ilə həyatını itirmiş yeniyetmənin anım günündə növbətçi polislərdən biri ratsiya ilə cavab verməyi dayandırır. Həmkarları onun parçalanmış cəsədini aşkar edirlər. Hadisə yerindən götürülmüş videoqeydiyyatçının kadrlarını araşdıran qadın polis Rene Lomito qurbanın naməlum bir qüvvə tərəfindən havaya qaldırıldığını görür.

Çox keçmədən qorxulu hadisələr silsiləsi davam edir və gözəgörünməz bir varlıq həm mülki şəxsləri, həm də digər asayiş keşikçilərini öldürməyə başlayır. Rəsmi izahatların yetərsiz olduğunu anlayan Rene bu müəmmalı cinayətləri təkbaşına araşdırmaq qərarına gəlir.

ABŞ istehsalı olan «Body Cam» filmi 2020-ci ildə rejissor Malik Vittal tərəfindən çəkilib. Dəhşət və detektiv janrlarını birləşdirən trillerdə əsas rolları Lens E. Nikols, Ceff Poup, Demetrius Qross və Nquen An Hyu ifa ediblər.