Sinxronluq

Fizik Cim Bil və onun həmkarları Böyük Adron Kollayderinin kiçik bir nüsxəsini hazırlayırlar. Təcrübə uğurla nəticələnir və alimlər zaman səyahətini mümkün edən məkan-zaman qurd dəliyi yaradırlar. Bu kəşf tezliklə texnologiyanı ələ keçirmək istəyən nüfuzlu korporasiya rəhbərlərinin diqqətini cəlb edir.

İxtirasını qorumağa çalışan Cim bu ərəfədə Ebbi adlı sirli bir qadınla qarşılaşır və təsadüfən ona layihənin bütün sirlərini açır. Həmin qadının varlı maqnatlardan biri ilə əlbir olduğunu düşünən alim səhvlərini düzəltmək üçün keçmişə qayıtmaq qərarına gəlir.

Elmi-fantastik dram və detektiv janrında çəkilən «Sinxronluq» filminin rejissoru Ceykob Qentridir. 2015-ci ildə ABŞ-da istehsal olunmuş layihədə baş rolları Çad MakNayt, Skott Poytress, Ey Cey Bouen və Derek Rayan Dük canlandırıblar.