Mən qatiləm

Yetmişinci illərin Polşasında qadınların amansızcasına qətlə yetirilməsi ilə bağlı araşdırma çıxılmaz vəziyyətə düşür. Əvvəlki cəhdlər nəticə vermədikdən sonra istintaq qrupunun rəhbərliyi gənc müstəntiq Yanuş Yasinskiyə tapşırılır. O, mürəkkəb cinayətin izinə düşmək üçün fərqli yollar axtarır.

Yasinski sosialist ölkələrində əvvəllər tətbiq olunmayan, lakin Qərb təcrübəsində geniş yayılmış üsullardan yararlanmaq qərarına gəlir. O, cinayətkarın psixoloji portretini hazırlayır və toplanmış məlumatları hesablama maşınları vasitəsilə təhlil edir. Bu yanaşma çox keçmədən ilk nəticələrini verir.

«Jestem morderca» adlı detektiv triller filmi 2016-cı ildə Polşada lentə alınıb. Rejissor Matsey Pepşitsanın ekranlaşdırdığı layihədə baş rolları Miroslav Xanişevski, Mixal Aniol, Maqdalena Poplavska və Mixal Filipyak canlandırıb.