Sakit meşə

Səkkiz yaşlı Ana Qrimmin atası Yuxarı Pfals meşələrində gəzinti zamanı müəmmalı şəkildə yoxa çıxır. Bu ağır itki qızı qapalı bir insana çevirsə də, onda torpaq qatlarını və bitki örtüyünü dəqiqliklə təhlil etmək bacarığı formalaşdırır. İyirmi il keçdikdən sonra gənc qız tələbəlik təcrübəsi üçün məhz atasını son dəfə gördüyü məkana qayıdır.

Torpaq analizi üçün lazım olan avadanlıqlarla işə başlayan Ananın qarşısını tüfəngli bir kənd sakini kəsir. Yaxınlıqdakı kəndin camaatı da onun dərhal oranı tərk etməsini tələb edir. Götürülən torpaq nümunələrindəki qəribəliklər isə Anaya atasının itkin düşməsinin bu yerlərlə bağlı olduğunu və meşənin dəhşətli cinayətləri gizlətdiyini göstərir.

Almaniya istehsalı olan «Sakit meşə» adlı detektiv filmin rejissoru Saraliza Folmdur. 2022-ci ildə çəkilən ekran əsərində baş rolları Astrid Polak, Günter Brenner, Noa Saavedra və Yohannes Herrşmann canlandırıb.