İlk görüş

Mayk adlı gənc oğlan Kelsi ilə ilk görüşünə hazırlaşır və təəssürat yaratmaq üçün şübhəli şəraitdə işlənmiş avtomobil alır. Lakin bu nəqliyyat vasitəsi Maykın başına böyük problemlər açır. O, bu maşını almaqla necə bir təhlükəyə bulaşdığından əvvəlcədən xəbərdar olmur.

Gözlənilən romantik axşam qəfildən xaosa, atışmalara və fasiləsiz təqiblərə çevrilir. Həmin avtomobil üzündən Mayk həm cinayətkarların, həm də polislərin hədəfinə çevrilir. Nəticədə adi bir görüş gənc üçün küçələrdə sağ qalmaq uğrunda mübarizəyə çevrilir.

ABŞ istehsalı olan bu komediya və kriminal detektiv filmi rejissorlar Darren Napp və Manuel Krosbi tərəfindən çəkilib. Ekran işi 2020-ci ildə işıq üzü görüb. Əsas rolları Şon Makİntayr, Darrell P. Miller, Lea Finiti və Şeyn Maus canlandırıb.