Doqquz nəfər ölənlər siyahısında

Bir-birinə tamamilə yad olan doqquz insan qapalı bir məkanda əsir götürüldüklərini anlayır. Onları qaçıran maskalı və silahlı şəxs amansız bir qayda qoyur: hər on dəqiqədən bir əsirlərdən biri güllələnəcək.

Cinayətkarın qətlləri dayandırmaq üçün irəli sürdüyü yeganə tələb onların aralarındakı gizli əlaqəni tapmalarıdır. Həyatda qalmağa çalışan insanlar bir araya gəlmələrinin səbəbini və keçmişdə onları nəyin birləşdirdiyini aydınlaşdırmağa məcbur qalırlar. Hər yeni addımla birlikdə otaqdakıların sayı sürətlə azalır.

ABŞ istehsalı olan «Doqquz nəfər ölənlər siyahısında» (Nine Dead) filmi 2009-cu ildə çəkilib. Qorxu və detektiv elementləri olan bu ekran əsərinin rejissoru Kris Şədli, baş rol ifaçıları isə Melissa Coan Hart, Con Keyts, Endrü Senseninq və Riçi Montqomeridir.