Böyük alibi

Həftəsonu istirahəti zamanı Henri Pajesin evində qonaq olan Pyer Kolyerin meyiti tapılır. İlk baxışdan cinayətkar aydın görünür: Pyerin həyat yoldaşı Kler cəsədin yanında əlində tapança ilə yaxalanır və onun bu addımı atması üçün kifayət qədər səbəbi var idi.

Lakin sonradan məlum olur ki, ölümcül atəş həmin tapançadan açılmayıb və ilkin təxminlər alt-üst olur. Nəticədə evdəki digər qonaqların hər biri potensial şübhəliyə çevrilir. Qaranlıq məqamları aydınlaşdırmaq və həqiqi qatili tapmaq işi leytenant Qranjeyə tapşırılır.

Rejissor Paskal Bonitserin çəkdiyi «Böyük alibi» (Le grand alibi) filmi 2008-ci ildə Fransada istehsal olunub. Kriminal dram janrındakı ekran əsərində baş rolları Selin Sallett, Nikolya Koretski, Peqqi Martino və Fransua Reyno canlandırıblar.