İşıqlar sönəndə...

Rebekka böyüyüb ailəsinin evindən ayrılanda uşaqlıqda onu qorxudan qaranlıq kabusların arxada qaldığını düşünürdü. Balaca olarkən otaqda işıq sönən kimi reallıqla xəyal arasındakı fərqi anlamaqda çətinlik çəkirdi. İllər sonra eyni anlaşılmaz və təhlükəli vəziyyətlə onun kiçik qardaşı Martin üz-üzə qalır.

Qaranlıqda peyda olan bu vahiməli varlığın onların anası Sofi ilə gizli bir bağlılığı üzə çıxır. Rebekka həqiqəti öyrənməyə çalışdıqca ailəsinin böyük bir təhlükə içində olduğunu anlayır. Qaranlıq çökən kimi bu naməlum varlıq yenidən hərəkətə keçir və onların həyatını təhdid edir.

«Lights Out» adlı qorxu və detektiv filmi rejissor Devid F. Sandberg tərəfindən çəkilib. ABŞ istehsalı olan bu ekran işi 2016-cı ildə təqdim edilib. Əsas obrazları Mariya Bello, Rolando Boys, Billi Börk və Aleksandr DiPersia canlandırıb.