Yük

2267-ci ildə baş verən ekoloji fəlakət nəticəsində Yer kürəsi yaşayış üçün yararsız hala düşür və sağ qalan insanlar planetin orbitindəki izdihamlı stansiyalarda məskunlaşırlar. Gənc həkim Laura Portman daha yaxşı şəraiti olan uzaq Reya planetinə köçmək arzusu ilə yaşayır, lakin bunun üçün böyük məbləğdə vəsait lazımdır. Laura pul qazanmaq məqsədilə «Koyper» korporasiyası ilə müqavilə bağlayır və 42 nömrəli stansiyaya səkkiz illik səfərə yollanan köhnə «Kassandra» yük gəmisində işə düzəlir.

Uçuş avtomatik rejimdə idarə olunur, heyət üzvləri uzun müddət dərin yuxuda qalır və hər biri növbə ilə səkkiz ay yarım təkbaşına keşik çəkir. Terror təhlükəsi səbəbindən gəmidə təhlükəsizlik üzrə məsul Samuel Dekker də yer alır. Laura öz növbəsinin sonuna yaxın yük anbarından gələn qəribə səslər eşidir və dondurucu anbarları yoxlamaq üçün yoldaşlarını oyadır. İlk ölümlər baş verdikdən sonra hər kəs bir-birinə şübhə ilə yanaşmağa başlayır, Laura və Samuel isə daşınan sirli yükün mahiyyətini və reysin əsl məqsədini öyrənirlər.

İsveçrə istehsalı olan «Yük» («Cargo») bədii filmi 2009-cu ildə nümayiş etdirilib. Fantastik detektiv filminin rejissorları İvan Enqler və Ralf Etterdir, əsas rolları isə Anna Şvabrox, Pyer Semmler, Roman Qüttinqer və Noa Strupler canlandırıblar.