Bacılar

Jurnalist Qreys Kolyer iki uşağın müəmmalı ölümü ilə bağlı köhnə işi araşdırmağa başlayır. İllər öncə baş vermiş bu hadisədə adı hallanan həkim Lakan hələ də sirr pərdəsi arxasındadır. Həqiqəti üzə çıxarmaq istəyən müxbir tezliklə həkimin köməkçisi Anjelika və onun əkiz bacısı Annabel ilə tanış olur.

Qəribə ölümlərlə dolu bu dolaşıq işi araşdırdıqca Qreys getdikcə daha çox sualla qarşılaşır. Nəticədə jurnalistin özü də fərqinə varmadan təhlükəli bir eksperimentin iştirakçısına çevrilir.

2006-cı ildə ekranlara çıxan «Sisters» filmi ABŞ, Böyük Britaniya və Kanadanın birgə istehsalıdır. Triller və dəhşət janrındakı bu ekran işinin rejissoru Duqlas Bakdır, əsas rolları isə Dilan Basu, Taliya Uilyams, Reyçel Uilyams və Michael Curluck canlandırıb.