Ayın kölgəsində

1988-ci ildə Filadelfiyada patrul polisi Tomas Lokhart qəribə hadisələrlə üzləşir. Şəhərin müxtəlif yerlərində üç nəfər müəmmalı şəkildə can verir və hamısının boynunda naməlum iynə izləri tapılır. Polislər dördüncü qurbanla hələ sağ ikən danışa bilirlər və şübhəlinin göy rəngli hudidə qaradərili bir qadın olduğunu öyrənirlər. Təqib zamanı metroya daxil olan Tomas şübhəli ilə qarşıdurmaya girir və qadın qatarın təkərləri altında qalaraq həlak olur, elə həmin axşam isə polisin xanımı doğum zamanı dünyasını dəyişir.

Doqquz il sonra, 1997-ci ildə artıq detektiv olan Lokhart qızını təbrik edib zooparka aparmağa söz verir, lakin gözlənilməz zəng hər şeyi dəyişir. Şəhərdə əvvəlki hadisələrə tamamilə bənzəyən yeni cinayətlər baş verir. Əsas şübhəli isə illər əvvəl ölmüş həmin göy hudili qaradərili qız olaraq qalır.

«In the Shadow of the Moon» adlı fantastik triller filmi rejissor Cim Mikl tərəfindən çəkilib. ABŞ, Böyük Britaniya və Kanadanın birgə istehsalı olan bu 2019-cu il ekran əsərində Toni Kreyq, Marta Jirven, Edvard Rendell və Elinor Prays rol alıblar.