Təhlükəli yuxular

Markus nadir yuxu pozğunluğu olan parasomniyadan əziyyət çəkir. O, gecələr huşsuz vəziyyətdə müxtəlif hərəkətlər edir və səhəri gün heç nə xatırlamır. Qəbiristanlıqda ayıldığı günlərdən birində Markus gecəni harada və kiminlə keçirdiyini anlamaqda çətinlik çəkir.

Çox keçmədən vəziyyət daha da qorxulu şəkil alır: qəhrəman qan içində oyanır və yanında bıçaq tapır. Elə həmin ərəfədə ən yaxın dostunun həyat yoldaşı qətlə yetirilir. Aralarındakı sirri gizlətmək üçün cinayət törədib-törətmədiyini araşdıran Markus, həm də naməlum zənglər edən şəxsin nəzarəti altında olduğunu hiss edir.

«In My Sleep» («Təhlükəli yuxular») detektiv trilleri 2010-cu ildə ABŞ-da lentə alınıb və rejissoru Allen Vulfdur. Filmdə əsas rolları Nensi Sekston, Cessika Diaz, Patrik Labyorto və Coşua Li canlandırıblar.