Gizli düşmən

Proqramçı Andrey ağıllı ev layihəsi üzərində çalışır. O, sistemin fəaliyyətini tam təkmilləşdirmək və proqrama həyat yoldaşı Zuzanaya qayğı funksiyasını əlavə etmək üçün onunla birlikdə sınaq məqsədli xüsusi evə köçür.

Çox keçmədən idarəetmə kənar birinin əlinə keçir. Yad müdaxilə nəticəsində ideal şəraitə malik məkan ailə üçün qorxulu bir tələyə çevrilir və cütlük sağ qalmaq uğrunda mübarizə aparmalı olur.

«Důvěrný nepřítel» elmi-fantastik trilleri rejissor Karel Janák tərəfindən çəkilib. Çexiya və Slovakiya istehsalı olan bu film 2018-ci ildə nümayiş olunub, əsas rolları isə Vojtěch Dyk, Romana Goščíková, Roman Luknár və Sylvain Machac canlandırıb.