Bədxassəli

Medison ana olmağı hər şeydən çox arzulayır və hamilə ikən ərinin qəddar rəftarına dözür. Gecələrin birində növbəti zorakılıqdan sonra onların evinə qaranlıq və qorxunc bir varlıq soxulur. Həmin varlıq kişinin həyatına son qoyur, qadına isə ağır xəsarət yetirir. Hadisə nəticəsində körpəsini itirən Medison təkbaşına evə qayıtmalı olur.

Qadın həyatına davam etməyə çalışsa da, tezliklə dəhşətli görüntülərlə üzləşir. O, naməlum şəxslərin amansızlıqla qətlə yetirildiyi anları canlı şəkildə izləməyə başlayır. Çox keçmir ki, bu qorxulu görüntülərin xəyal deyil, real həyatda baş verən cinayətlər olduğu ortaya çıxır.

ABŞ istehsalı olan «Malignant» («Bədxassəli») detektiv qorxu filminin rejissoru Ceyms Vandır. Ekran işi 2021-ci ildə işıq üzü görüb. Əsas rollarda Zoi Bell, Patrisiya Velaskes, Liza Katara və Xloya Leyk çəkiliblər.