Bone Face

Balaca bir qəsəbənin yay düşərgəsində maskalı naməlum şəxs tərbiyəçiləri qəddarcasına qətlə yetirir. Qanlı cinayətin izinə düşən yerli şerif Vins Kronin və onun köməkçisi Co Makkallı dərhal axtarışlara başlayır. İplər onları gecə-gündüz fəaliyyət göstərən yerli yeməkxanaya doğru aparır.

Məkanın yaxınlığında qatilin atıb getdiyi maska və geyim aşkar edilir. Binanın bütün çıxışlarını bağlayan asayiş keşikçiləri dindirmə prosesinə start verirlər. Polis əməkdaşları anlayırlar ki, qatil hazırda içəridəki müştərilər və ya işçi heyətinin arasında gizlənir.

2025-ci il istehsalı olan ABŞ filmi «Bone Face» triller, dəhşət və detektiv janrlarını birləşdirir. Ekran əsərinin rejissoru Maykl Donovan Horndur. Əsas rolları Raşad Kolliyer, El-Kalif Kuper, Hanna Kempbell və Tomas Hili canlandırıblar.