İtkin düşmüş

Evə qayıdan Cil bacısının qəfil yoxa çıxdığını görür. O, bir neçə il əvvəl onu qaçırmış seriyalı qatilin yenidən peyda olduğuna inanır. Qız əmindir ki, cinayətkar yarımçıq qalmış planını tamamlamaq istəyir və bu dəfə hədəfi onun bacısıdır.

Polis əməkdaşları onun dediklərinə ciddi yanaşmır və qızın bir müddət sonra özünün qayıdacağını düşünürlər. Heç kimin kömək etmədiyini görən Cil təhlükəli qatili axtarıb tapmaq və onunla təkbaşına üz-üzə gəlmək qərarına gəlir.

ABŞ istehsalı olan «Gone» filmi detektiv və triller janrlarında 2012-ci ildə çəkilib. Ekran əsərinin quruluşçu rejissoru Eytor Daliya, əsas rolların ifaçıları isə Syuzan Hess, Emili Uikerşem, Keysi O’Nill və Bleyn Palmerdir.