Aqata Reyzin: Zəhərlənmiş piroq işi

İctimaiyyətlə əlaqələr sahəsində uğur qazanan Aqata Reyzin paytaxtın səs-küyündən uzaqlaşmaq qərarına gəlir. Londonda yaxşı qazanc əldə etdikdən sonra o, sakit bir kəndə köçür. Lakin yerli sakinlər şəhərdən gələn bu yeni qonşunu heç də xoş qarşılamırlar.

Çox keçmədən bəlli olur ki, bu sakit kənd evlərinin divarları arxasında qorxulu sirlər gizlənir. Rahat həyat axtarışında olan Aqata dözməyib yerli sirləri üzə çıxarmaq və ətrafda qayda-qanun yaratmaq üçün hərəkətə keçir.

Böyük Britaniya istehsalı olan «Aqata Reyzin: Zəhərlənmiş piroq işi» (Agatha Raisin: The Quiche of Death) dedektiv komediya filmi 2014-cü ildə ekranlara çıxıb. Ceffri Saksın lentə aldığı ekran əsərində baş rolları Kobna Holdbruk-Smit, Lüsi Limann, Cun Uotson və Cemma Çörçill paylaşıb.