Marionet

Marian uşaq psixoterapiyası sahəsində uzun illər qazandığı zəngin təcrübəyə malik mütəxəssisdir. Qapalı və ünsiyyətdən qaçan on yaşlı Menni adlı oğlanla tanışlıq onun peşəkar bacarıqlarını, ardınca isə reallıq hissini sual altında qoyur.

Uşağın çəkdiyi bütün qaranlıq və qorxulu rəsmlər çox keçmədən gerçək həyatda baş verir. Bu təsvirlərdəki insanlar naməlum bir oyunun aciz marionetlərinə çevrilir. Həkim Marian baş verənlərə məntiqli və tibbi izah tapmaqda çətinlik çəkir.

«Marionette» filmi rejissor Elbert van Striyen tərəfindən ekranlaşdırılıb və 2020-ci ildə nümayiş olunub. Böyük Britaniya, Niderland və Lüksemburqun birgə istehsalı olan bu detektiv trillerdə əsas rolları Tekla Röten, Marni Bakster, Briqitta Urhauzen və İman Elliott canlandırıb.