Brightburn

Fermer Tori və Kayl cütlüyü uzun müddətdir övlad sahibi ola bilmir. Gözlənilmədən yaxınlıqdakı meşəyə içində körpə olan naməlum kosmik kapsul düşür. Uşağı övladlığa götürən ər-arvad onu öz doğma oğulları kimi böyütməyə başlayırlar.

Brendon böyüdükcə dərslərini yaxşı oxuyur, valideynlərinin sözünə baxır və heç vaxt xəstələnmir. Lakin on iki yaşı tamam olanda onun davranışı kəskin şəkildə pisləşir. Yeniyetmə kobudlaşır, böyüklərə qarşı çıxır və özündə qəribə istəklərlə yanaşı yeni qeyri-adi bacarıqlar hiss etməyə başlayır.

Qorxu və fantastika janrında çəkilmiş «Brightburn» filmi 2019-cu ildə ABŞ-da istehsal olunub. Ekran əsərinin rejissoru Devid Yaroveskidir, əsas rolları isə Qreqori Alan Vilyams, Elizabet Benks, Mett Cons və Meredit Haqner canlandırıb.