Hangman

Jurnalist Kristi Devis polisin fəaliyyəti haqqında məqalə hazırlayarkən qətllər şöbəsinin detektivi Runi ilə əməkdaşlıq etməyə başlayır. Birgə fəaliyyətin ilk günündə onlar asılmış və bədəninə hərf həkk olunmuş qadın cəsədinin tapıldığı hadisə yerinə gəlirlər. Yaxınlıqdakı divarda isə Runi dar ağacı oyununu və həm özünün, həm də təqaüddə olan keçmiş həmkarı Arçerin şəxsi nişan nömrələrini aşkar edir.

Şəhərdə seriyalı qatilin peyda olduğu aydınlaşanda sabiq detektiv Arçer araşdırmaya həvəslə qoşulur. Çox keçmədən, növbəti gün polis əməkdaşları eyni üsulla öldürülmüş daha bir qurbanın izinə düşürlər. İstintaqçılar cinayətkarın qoyduğu təhlükəli tapmacaları çözməyə çalışırlar.

2017-ci ildə ABŞ-da istehsal olunmuş «Hangman» detektiv filminin rejissoru Conni Martindir. Ekran əsərində əsas obrazları Kris Supulveda, Reymond Skott Parks, D. Tobias Denni və Stiv Kulter canlandırıblar.