Solğun mavi göz

Hadisələr 1830-cu ildə Vest-Poynt hərbi akademiyasında cərəyan edir. Ərazidə asılmış vəziyyətdə tapılan kursantın meyiti xəstəxanaya gətirildikdən dərhal sonra naməlum şəxs onun ürəyini çıxarır. Mürəkkəb hadisəni araşdırmaq üçün təqaüddə olan təcrübəli konstebl Lendor işə cəlb olunur.

Ölüm yerini və cəsədi diqqətlə nəzərdən keçirən Lendor gəncin zorakılıqla öldürüldüyü qənaətinə gəlir. Həmin ərəfədə iti zəkası və güclü müşahidə qabiliyyəti ilə seçilən kadet Edqar Allan Po ona cinayəti birlikdə açmağı təklif edir.

«Solğun mavi göz» (The Pale Blue Eye) trilleri 2022-ci ildə ABŞ-da istehsal olunub. Filmin quruluşçu rejissoru Skott Kuperdir. Əsas rollarda Çarli Tahan, Lüsi Boynton, Anyes Herrman və Timoti Spoll çəkiliblər.