Azad ölkə

Almaniyanın birləşməsindən dərhal sonra sərhədyanı əyalət qəsəbəsində iki yeniyetmə qız yoxa çıxır. Hadisəni araşdırmaq üçün bura fərqli dünyagörüşünə malik iki müstəntiq göndərilir: keçmiş Ştazi əməkdaşı Markus və Hamburqdan gəlmiş təmkinli komissar Patrik. Ziddiyyətli keçmişə sahib olan bu polislər hər kəsdən şübhələnməyə məcbur olduqları mühitdə bir-birləri ilə dil tapmağa çalışırlar.

Çox keçmədən axtarılan qızların işgəncəyə məruz qalmış meyitləri tapılır. Məlum olur ki, bu cinayət ilk deyil və əvvəllər də yaxşı həyat axtarışı ilə qərbə üz tutan qızlar izsiz itiblər. Əməliyyatçılar qəddar bir manyakın izinə düşdüklərini anlayırlar və araşdırma dərinləşdikcə təhlükə də böyüyür.

«Azad ölkə» (Freies Land) trilleri 2019-cu ildə Almaniyada rejissor Kristian Alvart tərəfindən çəkilib. Kriminal detektiv janrında olan filmin baş rollarında Tristan Pütter, Arndt Şverinq-Zonray, Barbel Şvarts və Aleksandr Peçeritsa çəkiliblər.