İngiltərədə bir tarla

Döyüş meydanından qaçan bir qrup fərari hündür otluqla örtülü kimsəsiz sahəyə sığınmağa çalışır. Çox keçmədən onların yolu O'Nil və Katler adlı iki naməlum şəxs tərəfindən kəsilir. Əlkimyaçı olan O'Nil qaçaqları əsir götürərək öz iradəsinə tabe edir və onları özünə xidmət etməyə məcbur edir.

Əlkimyaçı bu torpaqlarda basdırıldığı deyilən xəzinəni tapmaq niyyətindədir. Dəstənin bu ərazidə qidalanmaq üçün tapdığı tək şey isə ətrafda bitən göbələklər olur. Həmin göbələkləri yedikdən sonra qəhrəmanların şüuru dumanlanır, aralarındakı münasibətlər isə xaos, qorxu və zorakılıqla əvəzlənir.

Böyük Britaniya istehsalı olan «A Field in England» filmi 2013-cü ildə rejissor Ben Uitli tərəfindən çəkilib. Dəhşət, dram və detektiv janrlarını birləşdirən ekran əsərində baş rolları Riçard Qlover, Culian Bərrett, Ris Şersmit və Rayan Poup canlandırıb.