Alov içində qadın

Pensilvaniya ştatının kiçik bir şəhərində yaşayan otuz iki yaşlı qadının qızı qəfil yoxa çıxır. Gənc qız arxasında yenicə doğulmuş körpəsini qoyub gedir və anası nəvəsini təkbaşına böyütmək məcburiyyətində qalır.

«American Woman» filmi qəhrəmanın sonrakı on bir il ərzindəki həyatını əks etdirir. Qadın bu uzun illər boyunca övladının başına nə gəldiyini və hara itdiyini öyrənməyə çalışır.

ABŞ istehsalı olan bu dram və detektiv filmini 2019-cu ildə rejissor Ceyk Skott çəkib. Əsas rollarda Emi Madiqan, Di Nelson, Beyts Uaylder və Kentaker Odli çıxış edir.