Drop

Həyat yoldaşını itirmiş Violet adlı gənc qadın uzun fasilədən sonra ilk dəfə görüşə çıxmaq qərarına gəlir. Tanışlıq tətbiqində tapdığı kişi ilə restoranda görüş təyin edən ana məkana hamıdan tez gəlir. Lakin çox keçmədən onun telefonuna naməlum şəxsdən qəribə mesajlar daxil olmağa başlayır.

Anonim şəxs dərhal hədə-qorxuya keçərək qadından bütün əmrlərinə tabe olmağı tələb edir. Əks halda cinayətkar onun azyaşlı oğlunu öldürəcəyini bildirir. Beləliklə, adi bir görüş ana üçün övladının həyatını xilas etmək uğrunda təhlükəli bir sınağa çevrilir.

«Drop» triller filmi rejissor Kristofer Lendon tərəfindən lentə alınıb. 2025-ci ildə ABŞ və İrlandiya birgə istehsalı kimi təqdim edilən layihədə əsas rolları Ceykob Robinson, Sara Makkormak, Niam Makhenri və Fiona Braun canlandırıblar.