Riplinin oyunu

Gənc Tom Riplinin törətdiyi ilk qətldən uzun illər keçib. O, artıq klavesin çalan həyat yoldaşı ilə birlikdə İtaliyada məskunlaşıb və sakit günlər keçirir. Lakin qonşusunun ad günü şənliyində öz ünvanına deyilən təhqiramiz sözləri eşidən Ripli bu hörmətsizliyə biganə qala bilmir.

İncikliyini unuda bilməyən qəhrəman özünəməxsus qisas planı hazırlamağa başlayır. O, heç nəyə baxmadan təhqir edən şəxsi öz qurduğu təhlükəli oyuna doğru sürükləyir.

«Ripley's Game» adlı cinayət və dram filminin rejissoru Liliana Kavanidir. 2002-ci ildə ABŞ, Böyük Britaniya və İtaliyanın birgə istehsalı olan bu ekran əsərində baş rolu Con Malkoviç canlandırıb.