Descendent

Şon Los-Ancelesin kənarındakı məktəblərdən birində mühafizəçi işləyir və həyat yoldaşı Andrea ilə birlikdə ilk övladlarının dünyaya gəlməsini gözləyir. Ailəsini yetərincə təmin edə bilməyəcəyindən narahat olan Şon gərginlik içindədir. Andrea isə öz qazancından razıdır və hər şeyin yaxşı olacağını bildirərək ərini sakitləşdirməyə çalışır. Gecələrin birində Şon səmada qeyri-adi sürətlə hərəkət edən parlaq bir işıq görür.

Bir neçə gündən sonra həmin naməlum işıq yenidən peyda olur və bu dəfə Şon oğurlanır. Özünə gələndə o, qəribə torlarla sarıldığını və dünyasını dəyişmiş atasının yanında təcrübələrə məruz qaldığını fərq edir. Daha sonra xəstəxanada gözlərini açan Şona həyat yoldaşı damdan yıxıldığını söyləyir.

Elmi-fantastika, triller və dram janrlarını birləşdirən «Descendent» filmi 2025-ci ildə ABŞ-da istehsal olunub. Ekran əsərinin quruluşçu rejissoru Piter Silelladır. Əsas rolları Kristina Mosti, Corciya Bişop, Ebbi Vilson və Andre Hayland canlandırıb.