The I Inside

Saymon xəstəxanada ayıldıqda həyatının son iki ilinə aid heç bir xatirənin qalmadığını görür. O, nə evləndiyi günü, nə dəhşətli qəzanı, nə də qardaşının ölümünü xatırlayır. Ən pisi isə odur ki, baş verən bu faciəli ölümdə hamı məhz Saymonu günahlandırır.

Tezliklə qəhrəman öz yaddaşının qatlarına səyahət edə bildiyini və keçmişə qayıtmaq bacarığına malik olduğunu anlayır. Beləliklə, o, ötən hadisələrin gedişatını dəyişdirmək və bununla da gələcəyə təsir etmək imkanı qazanır.

ABŞ və Böyük Britaniyanın birgə istehsalı olan «The I Inside» adlı triller filmi 2003-cü ildə ekranlara çıxıb. Ekran əsərinin rejissoru Roland Zuzo Rixterdir. Əsas rolları Payper Perabo, Stiven Ri, Cey Simpson və Sara Polli canlandırıblar.