Birinci dərəcəli vəkil

Gələcəyin məhkəmə qaydaları işlərin uzun-uzadı araşdırılmasına imkan vermir, çünki qərarın çıxarılması üçün cəmi üç gün vaxt ayrılır. Maya Feyin hüquqlarını qoruyan vəkil Feniks Rayt məhkəmə salonunda uşaqlıq dostu, hazırda baş ittihamçı olan Maylz Ecvort ilə üz-üzə gəlir. Hər iki tərəf hakimi inandırmaq məqsədilə əlindəki bütün sübutlardan və natiqlik bacarığından istifadə etmək məcburiyyətində qalır.

Bu prosesdən dərhal sonra gözlənilməz hadisə baş verir: Ecvort özü qətl şübhəsi ilə həbs olunur. Dostunun günahsızlığına inanan Feniks Rayt onu müdafiə etməyə qərar verir. Lakin bu dəfə onun qarşısına qırx illik karyerası ərzində heç bir məhkəmə işini uduzmayan əfsanəvi ittihamçı Von Karma çıxır.

«Birinci dərəcəli vəkil» (Gyakuten saiban) filmi 2012-ci ildə Yaponiyada çəkilib. Ekran əsərinin rejissoru Takaşi Miikedir, əsas rollarda isə Rei Dan, Şunsuke Daito, Takeru Şibuya və Mirei Kiritani yer alıb.