Untraceable

İnternet cinayətləri ilə mübarizə şöbəsinin əməkdaşı Cennifer Marş xidmət illərində çox hadisə görüb. Lakin qarşılaşdığı yeni internet resursu təhqiqat qarşısında fərqli çətinliklər yaradır. Naməlum şəxs şəxsi saytında əsir götürdüyü insanların qətli ilə bağlı görüntüləri yayımlamağa başlayır.

Qurbanların taleyi birbaşa saytın baxış sayından asılı vəziyyətə gəlir. Həmin səhifəyə daxil olan istifadəçilərin sayı artdıqca, növbəti insanın ölümü də bir o qədər sürətlənir. İnsanlar sadəcə qətli seyr etməklə qurbanların sonunu yaxınlaşdırırlar.

«Untraceable» filmi 2008-ci ildə ABŞ-da istehsal olunub və triller janrındadır. Ekran əsərinin quruluşçu rejissoru Qreqori Hoblitdir, rollarda isə Qrey Yubenk, Deks Cordan, Tim DeZarn və Daniel Lui çəkiliblər.