Qatillər

«Beyin» ləqəbli Ho Kvok-Fayın rəhbərlik etdiyi muzdlu qrup sifarişli qətlləri qəza kimi qələmə verməkdə ustalaşıb. Onlar kənardan bir-biri ilə əlaqəsiz görünən xırda hadisələr zənciri qurur və hədəf gözlənilməz bədbəxt hadisə nəticəsində dünyasını dəyişir. Bu cür dəqiqliklə hesablanmış planların izinə düşmək hüquq-mühafizə orqanları üçün qeyri-mümkündür.

Növbəti əməliyyat zamanı hər şey qaydasında getmir və qrupun üzvlərindən biri həyatını itirir. Ho baş verənlərin sadə təsadüf olduğuna inanmır. Təsadüflərin necə məharətlə saxtalaşdırıldığını hamıdan yaxşı bilən lider, bu hadisənin arxasında kiminsə qərəzli planının durduğundan şübhələnir.

Honkonq istehsalı olan «Qatillər» cinayət trillerinin rejissoru Çin Pou-Soydur. 2009-cu ilin filmində baş rolları Mişel Ye, Stenli Fun, Monika Mok və Şervin Minq canlandırıblar.