Valideynlərdən necə xilas olmalı

Məktəbdə nümunəvi şagird sayılan Reyqan Kollinz dərslərdən sonra qeyri-adi bir gəlir mənbəyi tapır. O, pul qarşılığında məktəb yoldaşlarının valideynlərini aradan qaldırır. Bütün bu cinayətləri isə son dərəcə ehtiyatla planlaşdıraraq bədbəxt hadisə kimi qələmə verir.

İşlər qaydasında getsə də, qəribə ölümlərin sayı artdıqca vəziyyət mürəkkəbləşir. Polis əməkdaşı Kliff Dokinz ard-arda baş verən hadisələri şübhəli hesab edərək araşdırmaya başlayır. Təcrübəli polisin izinə düşməsi Reyqanın qurduğu bu gizli mexanizmi böyük təhlükə ilə üz-üzə qoyur.

2019-cu ildə ABŞ-da istehsal olunmuş «Extracurricular Activities» filmi detektiv və komediya janrlarını triller elementləri ilə birləşdirir. Ekran əsərinin rejissoru Cey Louidir. Əsas obrazları Darlin Foqel, Con Pozi, Çarmin Li və Krista Kalmus canlandırıb.