Qapı

Rəssam Devid ağır günlər keçirir və daxili əzab içində yaşayır. O, verdiyi səhv qərar ucbatından həyatını itirən yeddiyaşlı qızının ölümündə yalnız özünü günahlandırır. Bir vaxtlar qazandığı uğurlar artıq ona heç bir təsəlli vermir.

Təsadüfən qarşısına çıxan sirli bir qapı Devidə keçmişə qayıtmaq imkanı yaradır. O, səhvlərini düzəltmək və övladını xilas etmək üçün bu şansdan yararlanmağa çalışır. Lakin keçmişi dəyişdirmək cəhdi tezliklə əsl dəhşətə çevrilir və qarşısıalınmaz fəsadlar doğurur.

«Die Tür» adlı Almaniya istehsalı olan trilleri rejissor Anno Zaul lentə alıb. 2009-cu ilin bu filmində əsas rolları Mads Mikkelsen, Rüdiger Kumştedt, Karsten Dalem və Nele Trebs canlandırıblar.