Mançuriya namizədi

1991-ci ildə Küveytdə kapitan Ben Markonun kəşfiyyat qrupu qəfil pusquya düşür. Komandir huşunu itirdiyi vaxt nüfuzlu senator qadının oğlu olan çavuş Reymond Şou əsgərləri xilas edir. Vətənə qayıtdıqdan sonra Şou göstərdiyi şücaətə görə Şərəf Medalı alır və milli qəhrəmana çevrilir.

İllər keçdikcə Şou konqresmen olur və anasının dəstəyi ilə vitse-prezident postuna namizədliyə doğru irəliləyir. Markonu isə bütün bu müddətdə qəribə yuxular və qarabasmalar narahat edir. Eyni kabusları görən keçmiş döyüş yoldaşı ilə görüşən kapitan, Küveytdə baş verənlərin əslində xatırladığı kimi olmadığından şübhələnməyə başlayır.

2004-cü il istehsalı olan «Mançuriya namizədi» filmi ABŞ-da rejissor Conatan Demme tərəfindən çəkilib. Baş rolları Denzel Vaşinqton, Molli Hikok, Ceyms B. Hovard və Adam LeFevr canlandırır.