Gündüz işığı

Vəkil İris uğurlu karyera qurur, lakin anasının gizlətdiyi sirr hər şeyi dəyişir. Qadın illər sonra xəbər tutur ki, onun heç vaxt görmədiyi böyük bir qardaşı var. Autizmdən əziyyət çəkən Rey qəddar qətl törətməkdə ittiham olunub və uzun illərdir məhkəmə-psixiatriya klinikasında saxlanılır.

Qardaşının acı taleyinə biganə qala bilməyən İris ona kömək etmək qərarına gəlir. Həqiqəti üzə çıxarmağa çalışan vəkil köhnə işi araşdırarkən gözlənilməz çətinliklərlə üzləşir və bu hadisələr onun bütün həyatını dəyişir.

«Daglicht» filmi 2013-cü ildə Niderlandda çəkilib. Diderik Van Rujen tərəfindən ekranlaşdırılan bu detektiv dramında Truus te Selle, Lieke-Roza Altink, Teys Römer və Mari Luiz Steyns rol alıb.