Mo sha

«Mo sha» detektiv filminin hadisələri 2006-cı ildə Malayziyada cərəyan edir. Li Xan qızlar məktəbində xadimə işləyir. Elə həmin yerdə onun danışa bilməyən qızı Yutun da təhsil alır. Qızcığaz məktəb direktorunun qızı da daxil olmaqla dörd yuxarı sinif şagirdinin qısnamalarına məruz qalır.

Tezliklə Yutunu incidən qızlardan üçü qəfil yoxa çıxır. Məşq zamanı akt zalının tavanından direktorun qızının meyiti düşür və bu dəhşətli hadisədən sonra Yutun da itir. Qızını axtarmağa başlayan xanım Li öyrənir ki, uşağı məktəbdə fəhlə kimi çalışmağa başlayan şübhəli yeni qonşusu qaçırıb.

Çin istehsalı olan bu cinayət trillerini rejissor Sem Tsyua çəkib. 2024-cü ildə təqdim olunan ekran əsərində baş rolları Tan Kim-Van, Van Syaoyuntszı, Qu Minyi və Coy canlandırıb.