Ne valyay duraka...

Kənd sakinlərindən biri qışa odun tədarük etmək məqsədilə çaydan kötük çıxarmağa gedir və təsadüfən sudan içərisi spirtlə dolu iki yüz litrlik çəllək tapır. Bu tapıntı qısa zamanda bütün kəndin iştirak etdiyi böyük bir məclisə çevrilir. Kəndlilər üçün belə gözlənilməz şəraiti isə həmin sularda gizli tapşırıq yerinə yetirən amerikalı sualtı qayıq heyəti yaradır.

Bir masa arxasına toplaşan iki fərqli xalqın nümayəndələri bir-birlərini daha yaxından tanımağa başlayırlar. Bu görüş son dərəcə qeyri-adi hadisələrlə yadda qalır: məlum olur ki, müharibə illərində bu bölgədə olmuş amerikalı admiral illər sonra burada öz qızı və nəvəsi ilə qarşılaşır.

«Ne valyay duraka...» filmi 1997-ci ildə Rusiyada rejissor Valeriy Çikov tərəfindən çəkilib. Ekran əsərində əsas rolları Aleksandr Pyatkov, Vladimir Kaşpur, Tatyana Kravçenko və Oleq Zabolotnı canlandırıb.